Տարածել:
«Պոետն ու հոտը» մանկական պատկերազարդ գիրքը պատմում է փոքրիկ բանաստեղծի մասին։ Գիրքը հրավիրում է երեխաներին բացահայտելու իրենց շրջապատող բույրերի հանրագիտարանը՝ ծովային քամիից մինչև քաղցր ելակը, հաղարջի թույթից մինչև տարբեր միջավայրերի յուրահատուկ հոտերը։
Գիրքը գրել է Լոտե Վիլմա Վիտինյան՝ լատվիացի նկարազարդող, բանաստեղծուհի և կոմիքսների հեղինակ։ Ապրում և ստեղծագործում է Ռիգայում։ Ավարտել է Լատվիայի Արվեստի ակադեմիան, ստացել գեղանկարչության բակալավրի աստիճան, ուսանել է Ռիգայի Ռոզենտալի անվան արվեստի դպրոցում։ Վիտինյայի ստեղծագործություններն առանձնանում են զգայունությամբ, պարզությամբ և հումորով։
«Պոետն ու հոտը» պատկերապատումի հերոսը բանաստեղծն է, ում քթում մի օր հայտնվում է կամ բանաստեղծություն կամ գուցե ամպ, կամ էլ անձրև։ Այդ պահից սկսած նա բացահայտում է հոտերի բազմազան ու հարուստ աշխարհը, որը նրան օգնում է ստեղծագործել և պատմել իր հայտնագործությունների մասին։
Գիրքը բարձր գնահատական է ստացել մասնագիտական շրջանակներում։ 2019 թվականին արժանացել է «Զելտա աբելե» մրցանակին, իսկ 2020 թվականին լավագույն նկարազարդումների համար ստացել է «Յանիս Բալտվիլկս» մրցանակը։
Այս գիրը նախատեսված է մինչև 6 տարեկան երեխաների համար։ Ու հենց այս տարիքային խումբն ակտիվ ուսումնասիրում է իր շուրջը գտնվող ամեն ինչ, և հոտերը դառնում են ինֆորմացիայի կարևոր աղբյուր։ Բույրերի նկարագրումը հարստացնում է բառապաշարը և զարգացնում է նկարագրական խոսքը։ Երեխաները սովորում են արտահայտել իրենց զգացմունքները և տպավորությունները։
Լոտե Վիլմա Վիտինյայի նկարազարդումները համադրում են ժամանակակից արվեստի տեխնիկան երեխաների ընկալման հատկանիշների հետ։ Գծանկարները պարզ են, բայց խորիմաստ, գունային լուծումները նվազագույն են, բայց արտահայտիչ։
«Պոետն ու հոտը» պատկերապատումի հատուկ առանձնահատկություններից մեկն իրական բույրի առկայությունն է՝ երեխաները կարող են ոչ միայն կարդալ հոտերի մասին, այլև զգալ դրանք։
Գրքով աշխատելիս ծնողները կարող են օգտագործել հետևյալ մեթոդը. Ամեն էջը կարդալուց հետո քննարկել երեխայի հետ, թե ինչ հոտեր է նա զգացել այդ օրը։
Գիրքը լատվիերենից թարգմանել է Նաիրա Խաչատրյանը։ «Պոետն ու հոտը» պատկերապատումի շնորհանդեսը տեղի կունենա հունիսի 22-ին՝ Newmag Summerfest-ի 2-րդ օրը՝ 18:00, Երազ այգում։ Մուտքն ազատ է, այդ օրը պատկերապատումը կարող եք գնել զեղչով։
Այլ հոդվածներ
ՎՏԲ-Հայաստան Բանկը՝ «Դեպի դպրոց» մանկապատանեկան գրքի փառատոնի գլխավոր հովանավոր
2024-08-21 09:50:36
Ով է Wimpy Kid-ն ու ինչու են այդքան շատ սիրում նրան երեխաները (տեսանյութ)
2023-08-10 06:56:37
«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը
2024-08-23 07:32:10
«Երազ» մանկական մատենաշարը ներկայացրեց երեք նոր գիրք (լուսանկարներ)
2023-07-31 10:41:19