Տարածել:
Newmag-ի ամսվա շրջանակում «Զանգակ» գրատանը ամեն շաբաթ տեղի կունենա մանկական գրքի քննարկման օրեր։ Ապրիլի 13-ին դպրոցականները դերասան Արման Մաթևոսյանի հետ քննարկեցին Սոնա Բաբաջանյանի «Մուշի տարօրինակ ճամփորդությունը» գիրքը։
Սարսափելի վթարից հետո փոքրիկ Մուշի մեջ վախ է մտել. նա վախենում է մթությունից, վախենում է, որ այլևս չի կարողանա քայլել, վախենում է կորցնել հայրիկին և այլևս երբեք չվերադառնալ իր նախկին կյանքին։ Բայց մի բարի օր, ավելի շուտ՝ մի բարի գիշեր, երբ նա, վերմակի տակ ծածկված, փորձում է թաքնվել իր այդ վախերից, մի զարմանալի հյուր է այցելում նրան։