Տարածել:
Մայիսի 18-ին Newmag հրատարակչությունը Yeraz Projects-ի հետ կներկայացնեն արտասահմանյան և հայ հեղինակների 4 նոր գիրք։ Նոր հեղինակներից ու նոր գրքերից է Պեր Գուստավսոնի «Ստվերաշխարհը» գործը։
Գրքում կգտնեք նաև ուղեցույց։ Այսուհետև հայկական գրաշուկայում կհայտնվեն գրքեր, որոնք կունենան հատուկ ուղեցույց։ Ծնողները հարցերի միջոցով կկարողանան զարգացնել երեխայի գրագիտությունը` նրանց ներգրավելով ընթերցանության մեջ: Այս նախաձեռնությունը «Երազ» մատենաշարն իրականացնում է «Պարադիգմա կրթական հիմնադրամի» հետ։
Զարմանալի ու գեղեցիկ պատմություն փոքրիկ Ռագնարի ու իր ստվերի մասին։ Շվեդ հայտնի մանկագիր Պեր Գուստավսոնը «Ստվերաշխարհը» գիրքը գրել է մինչև վեց տարեկան երեխաների համար։ Սա շատ ուսուցողական ու բարի պատկերապատում է։ Ամեն ինչ սկսվում է մի մութ գիշեր, երբ ստվերները երկարում են, դառնում վախենալու անտառ։
Մանկական գիրքը, որը նախատեսված է 3-6 տարեկան երեխաների համար, ներկայացնում են «Երազ» մատենաշարն ու «Պարադիգմա» կրթական հիմնադրամը։ Պեր Գուստավսոնի ստվերների աշխարհի մասին մոգական գիրքն ունի նաև հատուկ ներդիր՝ ծնողների համար։ Ուղեցույցը կսովորեցնի ճիշտ կարդալ գիրքը, տրամաբանական ու զվարճալի հարցեր տալ փոքրիկներին։
Պեր Գուստավսոնը գրքերի պատկերազարդող և գրող է։ Հեղինակ է բազմաթիվ գրքերի ինչպես առանձին, այնպես էլ այն գրողների համահեղինակությամբ։ Պերը գրել և նկարազարդել է վեց գիրք Արքայադստեր և երեք գիրք Արքայազնի մասին։ Դրանք թարգմանվել են մի շարք լեզուներով, և ինչպես երեխաները, այնպես էլ նրանց ծնողները սիրում են ընթերցել հեղինակ գործերը։
«Ստվերաշխարհը» գրքի շնորհանդեսը տեղի կունենա «Երազի գիրք. նոր հերոսներ» մանկական միջոցառման ընթացքում՝ մայիսի 18-ին, 17:00, «Երազ» այգում։
Այլ հոդվածներ
Տեղի ունեցավ «Ես ուրախ եմ» և «Ծիպիլին, Տիմբական և ծիծաղը» մանկական գրքերի հեռուստաշնորհանդեսը (տեսանյութ)
2023-11-10 11:44:07
Ամառային արձակուրդները ամփոփեք գրքատոնով. BACK TO SCHOOL-ն է մոտենում (թրեյլեր)
2024-08-15 11:27:14
Ով է Մուշը և ինչ տարօրինակ ճամփորդություն է սկսում իր զարմանահրաշ ընկերների հետ (տեսանյութ)
2023-08-16 07:48:37
«Երազը» ներկայացնում է շվեդական հիսաքանչ պատկերագիրք՝ «Վերջին ամրակետը» (թրեյլեր)
2024-08-20 07:44:29