Կաիսա Հապպոնենը (1982 թ.) ֆինն մանկագիր է: Դրամայի և հաղորդակցության ոլորտում մագիստրոսի կոչում է ստացել Յուվյասկյուլյայի համալսարանում: Նա երեխաների համար բովանդակություն է ստեղծում տարբեր հարթակներում և ձևաչափերով՝ հեռուստատեսությունից մինչև գրքեր: Մանուկների համար նախատեսված հեռուստահաղորդումներ է վարում, խաղացել է մանկական ներկայացումներում, գրադարանում եղել է հեքիաթասաց: Կաիսա Հապպոնենի գրքերը թարգմանվել են 20 լեզվով։

Անն Վասկոն (1969 թ.) ֆինն հեղինակ և նկարազարդող է: Հրատարակել է տասնյակ մանկական գրքեր։ Նրա «Առյուծ Մեծը» պատկերագիրքը 2010-ին արժանացել է Ռուդոլֆ Կոյվուի մրցանակին և առաջադրվել է Ֆինլանդիայի մանկական գրքերի մրցանակին։ 2017-ին և 2021-ին ընդգրկվել է Աստրիդ Լինդգրենի հիշատակի մրցանակի կարճ ցուցակում: Վասկոյի նկարազարդած Մյուռ անունով արջին նվիրված գրքերի շարքը թարգմանվել է 15 լեզվով։