Տարածել:
Հունիսի 1-ին կրկին Անգլիական այգում բացվեց Մանկական գրքի արդեն 2-րդ փառատոնը, որտեղ մի քանի տասնյակ հրատարակչություններ ներկայացրել են իրենց հրատարակած գրքերը:
Newmag-ը «Մանկական գրքի փառատոնին» մասնակցում է «Երազ» մատենաշարի երեք գրքերով։
Մանկական գրքի փառատոնին «Երազ» մատենաշարով Newmag-ը ներկայացրեց ավստրալաբնակ հայ նկարիչ և գեղարվեստական գրականության թարգմանիչ Սոնա Բաբաջանյանի հեքիաթն է՝ «Մուշի տարօրինակ ճամփորդությունը»: Հեղինակը 6-9 տարեկան երեխաների համար հյուսել է մի հմայիչ պատմություն, որը նրանց տանում է զարմանալի արկածներով լի կախարդական ճամփորդության։
Սարսափելի վթարից հետո փոքրիկ Մուշը վախենում է մթությունից, վախենում է, որ այլևս չի կարողանա քայլել, վախենում է կորցնել հայրիկին և այլևս երբեք չվերադառնալ իր նախկին կյանքին։ Բայց մի բարի օր, երբ նա վերմակի տակ ծածկված, փորձում է թաքնվել իր այդ վախերից, մի զարմանալի հյուր է այցելում նրան։
Այդ անտանելի գիշերներից մեկի ժամանակ հայտնվում է մեծ աչքերով մի տարօրինակ էակ՝ Փսփսիկը, ու խնդրում, աղաչում է Մուշին՝ իրեն տանել իր աշխարհ: Նրանց միանում է նաև Լուսունիկը ու հրաշալի եռյակը հայտնվում է ներաշխարհում: Տարօրինակ աշխարհում հանդիպում են էլ Խուզակին, էլ փիտրուկներին, էլ մարգունին ու թերթեմոնին:
Սոնայի աշխատանքներն իրականի ու ֆանտազիայի սահմանին են: Իր ստեղծագործությունները հեղինակը բնութագրում է՝ բանաստեղծական, երազկոտ, ծիծաղելի ու առեղծվածային: Բացի գրքից, «Երազ» մատենաշարը նաև ներկայացնում է Մուշի փազլը, «Ներկիր ինքդ» ալբոմը։
Այլ հոդվածներ
Հոգնած, մոլորված չքնած մայրիկների համար գիրք֊դեղատոմս (տեսանյութ)
2024-11-12 10:53:34
«Երազ» մատենաշարը ներկայացրեց 5 նոր գիրք տարբեր տարիքի երեխաների համար (տեսանյութ)
2025-06-26 10:49:27
Newmag Summerfest-ին «Երազ» մատենաշարը կներկայացնի Փոլ Մակքարտնիի «Հե՛յ, պապիկ» գիրքը (թրեյլեր)
2025-06-09 07:58:08
«Մուշի տարօրինակ ճամփորդությունը» գիրքը երեխաները քննարկել են «Զանգակ» գրատանը (լուսանկարներ)
2024-04-15 08:08:54