Տարածել:
Երազ մատենաշարն ու «Պարադիգմա» կրթական հիմնադրամը ներկայացնում են ֆիննական հայտնի պատկերապատումը։ Փոքրիկ ճամփորդություն ամենահամեղ հապալասները գտնելու համար։
Գրքում հերոսները երկու արջերն են՝ Փոքր Մյուռը ու մեծ Մեծը։ Առաջին էջից սկսվում է արջերի արկածային ուղևորությունը դժվար ու անհաղթահարելի ճանապարհ՝ դեպի երանելի հատապտուղներ։ Սա Ֆիննական պատկերազարդ պատմություն է, որտեղ Մյուռն ու Մեծը փնտրում են ամենահամեղ ու կապույտ հապալասները։ Ֆիննական պատկերազարդ պատմություն է, որտեղ Մյուռն ու Մեծը փնտրում են ամենահամեղ ու կապույտ հապալասները։ Ֆինն հեղինակները ստեղծել են փոքրերի ու մեծերի պատմություն, որտեղ քոթոթն օգնում է մեծ արջին հասկանալ ու նկատել մեր աշխարհի ամենակարևոր բաները։
Մյուռ անունով քոթոթը փորձում է հասկանալ, թե ինչպես է ՄԵԾԸ կարողանում անշեղ քայլել անտառով՝ առանց ուշադրություն դարձնելու շրջապատում հանդիպող հետաքրքիր բաներին: Երկար զբոսանքի վերջում ՄԵԾԸ բարեբախտաբար շրջվում է և տեսնում...
Ֆիննական հայտնի «Մյուռն ու հապալասը» պատկերապատումը հեղինակել են մանկագիր Կաիսա Հապպոնենն ու նկարազարդող Անն Վասկոն։ Կաիսա Հապպոնենն դրամայի և հաղորդակցության ոլորտում մագիստրոսի կոչում է ստացել Յուվյասկյուլյայի համալսարանում: Նա երեխաների համար բովանդակություն է ստեղծում տարբեր հարթակներում և ձևաչափերով՝ հեռուստատեսությունից մինչև գրքեր: Մանուկների համար նախատեսված հեռուստահաղորդումներ է վարում, խաղացել է մանկական ներկայացումներում, գրադարանում եղել է հեքիաթասաց: Կաիսա Հապպոնենի գրքերը թարգմանվել են 20 լեզվով։
Իսկ Անն Վասկոն ֆինն հեղինակ և նկարազարդող է: Հրատարակել է տասնյակ մանկական գրքեր։ Նրա «Առյուծ Մեծը» պատկերագիրքը 2010-ին արժանացել է Ռուդոլֆ Կոյվուի մրցանակին և առաջադրվել է Ֆինլանդիայի մանկական գրքերի մրցանակին։ 2017-ին և 2021-ին ընդգրկվել է Աստրիդ Լինդգրենի հիշատակի մրցանակի կարճ ցուցակում: Վասկոյի նկարազարդած Մյուռ անունով արջին նվիրված գրքերի շարքը թարգմանվել է 15 լեզվով։
Ուշադիր փոքրիկների ու հոգատար մեծերի համար գրքում կա նաև հատուկ ներդիր՝ ինչպես ճիշտ կարդալ գիրքն ու ամենակարևոր բաները սովորեցնել երեխաներին։ Այս նորույթը «Երազ» մատենաշարն իրականացրել է «Պարադիգմա» կրթական հիմնադարմի հետ գործակցության արդյունքում։
«Մյուռն ու հապալասը» գրքի շնորհանդեսը տեղի կունենա «Երազի գիրք.նոր հերոսներ» միջոցառման ընթացքում՝ մայիսի 18-ին, 17:00, Երազ այգում։ Միջոցառման ավարտին կանցկացվի խաղարկություն և պատկերապատումի առաջին գրքի 50 օրինակը կազմակերպիչները կնվիրեն երեխաներին։ Մուտքն ազատ է
Այլ հոդվածներ
«Երազ» մատենաշարը ներկայացնում է Մարիամ Խլղաթյանի «Ես ուրախ եմ» պատկերապատումը (թրեյլեր)
2023-08-23 08:13:12
Գիրք՝ երջանկության, ընտանիքի, բնության և ընկերների մասին (տեսանյութ)
2023-10-14 04:53:42
«Երազ» մատենաշարը սկսել է գրքի ընթերցանություն. շաբաթը մեկ անգամ՝ զով ու ջերմ «Երազ» այգում (լուսանկարներ)
2023-08-14 06:25:25
Անակնկալ երեխաների համար․ Newmag-ը հրատարակել է մանկական նոր՝ «Երազ» մատենաշարը
2023-08-01 02:56:26