Անաբել Սթեդման

Անաբել Սթեդմանը (ծնվ․ 1992 թ․), որը հայտնի է որպես Ա․ Ֆ․ Սթեդման, բրիտանացի գրող է։ Սովորել է Քենթերբերիի Քինգի դպրոցում, կրթաթոշակով ստացել երաժշտական և ակադեմիական կրթություն, ապա Քեմբրիջի Սելվին քոլեջում սովորել է լեզուներ, իրավունք և ստացել Քեմբրիջի ստեղծագրության մագիստրոսի կոչում։ Սթեդմանը 2020-ին կնքել է «արյունարբու միեղջյուրների» մասին ֆենթզի շարքի երեք գրքի «յոթանիշ» պայմանագիր։ Ենթադրվում է, որ դա երբևէ ամենամեծ կանխավճարն է սկսնակ մանկագրի համար: Նույն շաբաթ Sony Pictures-ը ձեռք է բերել կինոնկարի իրավունքները։ 2022-ին լույս է տեսել «Սկանդար» մատենաշարի առաջին գիրքը՝ «Սկանդարը և միեղջյուրի գողը»։