Տարածել:
3-ից 6 տարեկան երեխաների համար նախատեսված գրքում հեղինակը նաև նկարազարդումների միջոցով ներկայացնում է փոքրիկ աղջնակի առօրյան. ինչ է երազում, ինչ նախասիրություններ ունի, երբ է ուրախ։
Գրքի աղջիկն ու գլխավոր հերոսուհին հեղինակի դուստրն է՝ Եվան։ Երբ նա ծնվեց, մայրիկը որոշեց նկարել ու գրել պատկերազարդ մի գիրք՝ «Ես ուրախ եմ» վերնագրով. «Դա դեռևս 2016 թվականն էր: Այն ժամանակ այնքան հարուստ չէր մանկական հայ գրականությունը: Իմ ճաշակով, ոճով գիրք չէի գտնում: Ուզում էի իմ նկարազարդումներով գիրք ունենար, ժամանակ չէի ունենում, աշխատոմ էի: Եկավ Քովիդի չարաբաստիկ շրջանը, ժամանակ ունեցա, որ գիրքը ստեղծվի»:
Եվայի մայրիկը նկարեց փոքրիկ աղջկա ամեն օրը: Ի՞նչ են անում փոքրիկ աղջիկներն ամեն օր. Խաղում են մայրիկի, հայրիկի հետ: Սիրում են խոտերի մեջ վազվել սիրելի շնիկի հետ. «Ինձ շատ ոգևորեց Newmag-ի ու Երազի այս նախագիծը: Գրավիչ բաներից մեկն այն է, որ գրքի վրա գրված է, թե որ տարիքի համար է: Շատ պարզ, անկեղծ գիրք է, փոքրիկ մանրուքների մասին է, որը հաճախ շատ չենք նկատում: Մեծերը ևս ունեն փոքրերից սովորելու բան, սա կօգնի»:
«Ես ուրախ եմ» գիրքը 3-6 տարեկան փոքրիկների համար է: Բայց ավելի փոքրերին հաստատ դուր կգան վառ ու գունավոր նկարները, պարզ պատկերները:
Այս տարիքային խմբում կարևոր են, որ պատկերները պարզ լինեն, գույները վառ, պլյուս տեքստը, որ պարզ լինի: Եվան արդեն մեծ է, գիրքն անգիր գիտի: Իր ու մայրիկի ստեղծած պատկերապատումը կարդալու է արդեն փոքրիկ եղբոր համար:
Այլ հոդվածներ
Մայիսին «ԵՐԱԶ» մատենաշարը կներկայացնի 3 գիրք (լուսանկարներ)
2023-07-31 09:19:45
«Երազ» մատենաշարը հրատարակել է երեք նոր գիրք (տեսանյութ)
2023-08-24 10:00:02
Newmag Summerfest2025-ն ազդարարեց «Երազի գիրք» մանկական փառատոնը (լուսանկարներ)
2025-06-25 08:32:38
Գրքի մանկական փառատոնին «Երազը» ներկայացրեց «Մուշի տարօրինակ ճամփորդությունը» գիրքը (լուսանկարներ)
2023-07-31 11:07:06