Տարածել:
Արմենիա հեռուստաընկերության ուղիղ եթերում Newmag-ը ներկայացրեց «Կարգապահություն՝ առանց դրամայի» գիրքը։ Այս ձեռնարկը ճանապարհային քարտեզ է ծնող-երեխա հարաբերությունների համար ու մասին։
«Կարգապահություն՝ առանց դրամայի» գիրք, որը քայլ առ քայլ կսովորեցնի ծնողներին, թե ինչպես կարելի է զարգացնել դաստիարակության սեփական մոտեցումը ու զերծ մնալ դրամաներից։ Այս ձեռնարկը հրատարակվել է «Երազ» մատենաշարով՝ «Երազ Փրոջեքթսի» հետ գործակցությամբ։
Գիրքը Արմենիա հեռուստաընկերության «Բարի լույս» ծրագրի շրջանակում ներկայացրել են թարգմանիչը, հայերեն թարգմանության խմբագիրն ու փորձագետը։ Գրքի թարգմանիչ Վարդուհի Մկրտչյանի խոսքով, գործի առաջին էջից այնպիսի տպավորություն է ունեցել, որ այնտեղ, ասես, նկարագրված են իր երեխայի հետ փոխհարաբերություններ, բոլոր դժվար պահերը, պոռթկումները. «Փորձեցի ընթերցելու ընթացքում նաև կիրառել գրքում ներկայացված սկզբունքներն ու մեթոդները, ու տեսա, որ աշխատտում է: Մեծ ցանկություն առաջացավ, որ այս գիրքը լայն մասաների համար լինի հասանելի ու որոշեցի թարգմանել»:
Գրքի հայերեն թարգմանության խմբագիր Տաթևիկ Նալբանդյանն ընդգծում է՝ գրքի հեղինակներն իրականում առաջարկում են տատիկների ավանդական մեթոդները. «Տատիկը մի քիչ շատ ժամանակ ունի, կարողանում է լսել երեխային, իր տարիների իմաստությամբ գիտի, որ միայն լսելով կարելի է հաղթահարել: Այս գրքի հեղինակներն իրականում առաջարկում են հենց մեր տատիկների մեթոդը՝ ուշադիր լսել երեխային, հասկանալ նրա զգացմունքները, և հանդարտեցնելով, հուզական կապ ստեղծելով՝ կարողանալ երեխային դաստիարակել՝ առանց ճիչերի և դրամատիկ տեսարանների:»
«Կանա» ուսումնական հեգաբանական կենտրոնի հիմնադիր Էլիզա Մանուկյանը վստահ է, որ հաճախ ծնողները քիչ են գիտակցում այն կարևորությունն ու պատասխանատվությունը, որ ունենում են երեխա ունենալուց։ Նախ և առաջ պետք է ծնողը զինված լինի գիտելիքով. «Շատ հեշտ, մի շնչով կարդացվող գիրք է, որը հզոր գործիքներ է տալիս ծնողնեին: Հոյակապ ձեռնարկ է՝ պրակտիկ քայլերով: Այսինքն՝ վերցրո՛ւ, կարդա՛, արա՛: Յուրաքանչյուր ծնող ձեռքի տակ պետք է ունենա այս գիրքն ու առաջնորդվի այս մեթոդներով»
Հեղինակներն ամերիկացի մանկական երկու հոգեթերապևտներ են՝ Դենիել Ջ. Սիգելը և Թինա Փեյն Բրայսոնը: «Կարգապահություն առանց դրամայի» ձեռնարկը համալրված է ծնողների անկեղծ պատմություններով և զվարճալի նկարազարդումներով: Այն կսովորեցնի խաղաղ ճանապարհով հարթել բախումները, ամրապնդել ընտանեկան կապերը: Հեղինակ-հոգեբանները համեզված են՝ կարելի է հուզական կապ հաստատել ձեր երեխայի հետ, վերահսկել էմոցիաները և լարված իրավիճակները վերածել աճի ու զարգացման հնարավորության:
Այլ հոդվածներ
Խորհուրդներ, թե ինչպես սահմանել կարգապահություն՝ զերծ մնալով ծնող-երեխա դրամատիկ տեսարաններից (տեսանյութ)
2023-09-13 09:26:44
«Երազը» ներկայացնում է Diary of a Wimpy Kid-ի 2-րդ գիրքը. «Վտվտիկի օրագիրը. Ռոդրիկի սխրանքները» (թրեյլեր)
2024-08-19 08:19:19
«Երազի գիրք. նոր հերոսներ» մանկական փառատոնին «Երազ» մատենաշարը ներկայացրեց 4 նոր գիրք (լուսանկարներ)
2024-05-31 08:44:59
Տեղի ունեցավ Անաբել Սթեդմանի «Սկանդարն ու միեղջյուրի գողը» գրքի հեռուստաշնորհանդեսը (տեսանյութ)
2024-06-04 06:12:44