Տարածել:
«Երազ» մատենաշարը գրքերից է Սոնա Բաբաջանյանի «Մուշի տարօրինակ ճամփորդությունը» գիրքը: 6-ից 9 տարեկան երեխաների համար նախատեսված հեքիաթը նկարազարդ է, աշխատանքների հեղինակը ևս Սոնա Բաբաջանյանն է։
Մուշը վախկոտ չէ: Նա փոքրիկ, բայց անվախ տղա է: Նույնիսկ, երբ ատամն էր կոտրվում ու շատ ցավում, չէր լացում: Բայց վախը եկավ ու մտավ նրա մեջ այն սարսափելի օրը: Այդ օրը սկսեց ոտքն ահավոր ցավել ու քիչ էր մնում կորցներ հայրիկին:
Այդ օրվանից հետո ամեն գիշեր Մուշը լսում էր սարսափելի, վախենալու ու տարօրինակ ձայներ՝ փսփսոց ու շվշվոց, սուլոց, հևոց ու լաց: Այդ անտանելի գիշերներից մեկի ժամանակ հայտնվում է մեծ աչքերով մի տարօրինակ էակ՝ Փսփսիկը ու խնդրում, աղաչում է Մուշին՝ իրեն տանել իր աշխարհ: Նրանց միանում է նաև Լուսունիկը ու հրաշալի եռյակը հայտնվում է ներաշխարհում:
Տարօրինակ աշխարհում հանդիպում են է՛լ Խուզակին, է՛լ փիտրուկներին, է՛լ մարգունին ու թերթեմոնին:
Ուզո՞ ւմ եք ծանոթանալ այս հրաշալի ու զարմանալի էկաներին. Կուճուրիկին, Մաճուճակին ու Անճարակին: Մենք արդեն գիտենք. Դուք էլ կարդացեք «Մուշի տարօրինակ ճամփորդությունը»գիրքը, որ իմանաք, Մուշը կարողացա՞ վ վռնդել իր վախերը, բուժել ոտքն ու փրկել հայրիկին:
Այլ հոդվածներ
«Պոետն ու հոտը». գիրք, որը փոքրիկներին կուղեկցի դեպի բույրերի հոտավետ աշխարհ (թրեյլեր)
2025-06-04 05:44:46
Հունիսի 1-ին ընդառաջ «Երազը» ներկայացրեց մանկական գրքեր (տեսանյութ, լուսանկարներ)
2023-07-31 10:55:32
Տեղի ունեցավ Անաբել Սթեդմանի «Սկանդարն ու միեղջյուրի գողը» գրքի հեռուստաշնորհանդեսը (տեսանյութ)
2024-06-04 06:12:44
«Երազ» մատենաշարը սկսել է գրքի ընթերցանություն. շաբաթը մեկ անգամ՝ զով ու ջերմ «Երազ» այգում (լուսանկարներ)
2023-08-14 06:25:25