Տարածել:
newmag հրատարակչության «Երազ» մատենաշարն Արմենիա Հ/Ը «Բարի լույս» ծրագրի ընթացքում ներկայացրել է «Նանի՛կ արա, ի՛մ բալիկ» գիրքը։
«Նանի՛կ արա, ի՛մ բալիկ» գրքում ներկայացված են քնին վերաբերող տարբեր գիտական, մասնագիտական ուսումնասիրություններ ու հետազոտություններ։ Քնի փուլերը ու առողջ քնին մասին ամեն ինչ մասնագետը ներկայացրել է պարզ ու հասականլի լեզվով, որպեսզի ամեն մի գերզբաղված ու հոգնած մայրիկ կարողանա արագ ընթերցել գիրքն ու կիրառել խորհուրդները։
«Ծնողի դպրոցի» հիմնադիր, հոգեբան Աննա Վելիցյանն ասում է, որ ծնողները հատկապես առաջին երեխայի ժամանակ շատ են շփոթվում տարբեր խորհուրդներից ու չեն գտնում ոսկե միջինը, որպեսզի երեխան լավ քնի, իրենք էլ կարողանան հանգստանալ.
«Ծնողավարությունն իրականում արվեստ է, իհարկե, չկան բուհեր, որտեղ դա մեզ կսովորեցնեն։ Կատարյալ ծնողավարությունը միֆ է, երեխաներին էլ պետք չեն նման ծնողներ։ Ծնողների բարկանալն էլ, երեխաների չքնելն էլ նորմալ են։ Բայց կան մասնագետներ, որոնք ուսումնասիրում են քնի վարքը, սովորեցնում են ծնողներին ավելի խաղաղ ընտանիք ունենալ»։
«Ծնողի Դպրոց» գիտակից ծնողավարման դասընթացի մասնակից Մարիամ Մարգարյանն ասում է, որ այս գիրքն իրեն շատ է օգնել։ Մինչև գիրքը կհրատարակվեր, Աստղիկի ինստագրամյան էջում ծանոթացել է նրա խորհուրդներին, կիրառել է դրանք.
«Առաջին հերթին Աստղիկի գիրքը ծնողների կողքին լինելու, նրանց հոգեպես աջակցելու մասին է։ Գրքում նկարագրված են նաև տարբեր տարիքի քնի օրինաչափությունները, ինչքան պահել երեխային գրկում, ինչպես օգնել, որ երեխան լավ քնի»։
«Նանի'կ արա, ի'մ բալիկի» հեղինակ Աստղիկ Նադիրյանը Հայաստանում հավաստագրված քնի առաջին խորհրդատուն է։ Հավաստագիրը ստացել է ամերիկյան հայտնի Family Sleep Institute֊ից։ Աշխատել է Healthy Sleep, Healthy Sleep Habits բեսթսելլերի հեղինակ Մարկ Վայսբլուտի հետ.
«Քնի մասնագետը ծնողին ուղղորդելու դեր ունի։ «Պիտի»-ներ իմ գրքում չկան, ես բացատրում եմ, թե ինչու օրինակ, երեկոյան շուտ չի ուզում քնել։ Ամենայն հավանականությամբ, ուրեմն երեխան արթնանում է ուշ»։
Ըստ հեղինակի, գրքում ներկայացված է նաև ուղեցույց, որպեսզի ծնողները բոլոր հարցերի պատասխաններն ունենան ձեռքի տակ.
«newmag֊ի թիմի հետ քննարկում էինք գիրքը, որոշեցինք, որ լինի նաև ուղեցույց։ Ուղեցույցը գիրքը դարձնում է ծնողինը, սա քնի խորհրդատուի հետ աշխատանքի պես է դառնում, գիրքը դառնում է անհատական, նույնիսկ զբոսնելուց հետը կարող է վերցնել, նշումներ անել։ Այս գիրքը կօգնի գտնել առողջ քուն, առանց սթրեսի»։
Գիրքն արդեն վաճառքում է. կարող եք գնել ինչպես գրաքանութներից, այնպես էլ պատվիրել newmag.am, yeraz.newmag.am կայքերից։https://yeraz.newmag.am/book/do-nanik-my-baby
Այլ հոդվածներ
«Երազ» այգու նապաստակը երեխաների համար ընթերցեց «Մուշի տարօրինակ ճամփորդությունը» գիրքը (լուսանկարներ)
2023-08-18 11:17:53
«Երազ» մատենաշարը ներկայացնում է Youtube-ի հայտնի ու սիրելի հերոսների զվարճապատումը՝ «Պուկ Տիպուկ. չկիսած կոնֆետը» (թրեյլեր)
2023-08-22 07:00:38
«Երազը» ներկայացնում է պատանիների ամենասիրելի ու ամենաթրենդային արկածային գիրքը՝ Անաբել Սթեդմանի «Սկանդարը և միեղջյուրի գողը» (թրեյլեր)
2024-05-16 05:10:15
Ամառային արձակուրդները ամփոփեք գրքատոնով. BACK TO SCHOOL-ն է մոտենում (թրեյլեր)
2024-08-15 11:27:14